L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

Ivona BEAUME, Mèsa, lo 14 de març de 2023.

   ISTÒRIA DE CAPBORD

 

S’avèm besonh de dintrar a l’espital per se far enlevar quicòm que seriá de tròp, i cal dintrar  linde coma un sòu nòu, esperant ne tornar sortir sens qualque malautiá « nosocomiala »…

Pr’aquò, se cal passar de cap a cima una potinga sul còrs ; subretot legir la notícia en entièr. Es aquí que l’afar se complica. Aquela notícia es empegada dirèctament sul flasconet que mesura 14 cm amb lo tap.

Se gaudissètz d’una vista normala per vòstre atge, vos desfisi de la poder legir, amai amb las lunetas e l’ajuda d’una lópia. De mai las letras sont 100 còps, enfin 10 còps mas petitas que de patas de formiga, e sont imprimidas en negre sur fons roge. Illegiblas !

Fin finala, abans que vòstres nèrvis venguèsson tan gròsses coma de macarònis, fasètz coma podètz amb aquela potinga, e basta. Pro de temps perdut per aquò.

Se cal saludar l’iniciativa ecologica que consistís a suprimir l’embalatge en carton e lo papieròt de la notícia, autant anar al bot e se dispensar d’una notícia que servís de res. Sinon es plan una istòria de capbord ! E se cal contentar que i aja pas escrich « dobertura facila », qu’es sovent de mal creire, se vesètz çò que vòli dire…

Coma soi bona filha vos dirai pas lo nom de la potinga ; mas aquò m’empacha pas de pensar qu’aquel monde qu’an soscat sus la presentacion del flasconet, an fach tanplan d’estudis longs. 

Farián melhor d’anar beure un cafè e manjar una còca amb lors grands – que serián plan contents de los veire – e eles lor sauprián dire çò que lor cal  per qu’òm arrèsta de lor complicar la vida.

        HISTOIRE DE FOU

 

Si nous avons besoin de rentrer à l’hôpital pour faire enlever quelque chose qui serait de trop, il faut y entrer propre comme un sou neuf, en espérant en sortir sans quelque maladie nosocomiale…

Pour cela il faut se passer de pieds en cap un médicament sur le corps ; surtout lire la notice en entier. C’est là que l’affaire se corse. Cette notice est collée directement sur le petit flacon qui mesure 14 cm bouchon compris.

Si vous jouissez d’une vue normale pour votre âge, je vous mets au défi de pouvoir la lire, même avec les lunettes et l’aide d’une loupe. En plus les lettres sont cent fois, enfin 10 fois plus petites que des pattes de fourmi, et elles sont imprimées en noir sur fond rouge. Illisibles !

Finalement, avant que vos nerfs deviennent aussi gros que des macaronis, vous faîtes comme vous pouvez avec ce médicament, et basta. Assez de temps perdu comme ça.

S’il faut saluer l’initiative écologique qui consiste à supprimer l’emballage en carton et le petit papier de la notice, autant aller jusqu’au bout et se dispenser d’une notice qui ne sert à rien. Sinon c’est bien une histoire de fou ! Et il faut se contenter qu’il n’y ait pas précisé « ouverture facile », ce qui est souvent difficile à croire, si vous voyez ce que je veux dire…

Comme je suis bonne fille, je ne vous dirai pas le nom du médicament ; mais cela ne m’empêche pas de penser que ces gens qui ont réfléchi sur la présentation du petit flacon, ont fait peut-être de longues études.

Ils feraient mieux d’aller boire un café et manger un gâteau avec leurs grands-parents – qui seraient bien contents de les voir – et eux sauraient leur dire ce qu’il leur faut pour qu’on arrête de leur compliquer la vie.

brown and white eggs

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.