L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 16 de setembre de 2025
Glafira Ziegelmann
Quala pòt èstre aquela dòna que pòrta un nom parièr ?…aquò sentís pas la França prigonda !… e alara ?
Pasmens la dòna èra ben francesa, mas d’origina russa.
Èra nascuda lo 26 d’abril de 1871 a Orenbourg (Russia), e moriguèt en octòbre de 1935.
En 1892, encara joineta, quitèt son país amb son amiga Raïssa Leik (aquela serà mai tard la maire de l’escrivan Jòsep Kessel). Direccion la Soïssa per i anar complir lors estudis de medecina.
Mas en 1894, nòstra Glafira, après un cort contorn per Marselha, s’installa a Montpelhièr. I frequenta la facultat de medecina de nòstra capitala regionala.
Après de brilhants estudis, foguèt la primièra femna intèrna dels « Espitals de Provinça » en 1903 ; primièra recebuda al concors del clinicat en 1910, primièra cap de clinica femna.
Se voldrà confrontar a l’agregacion. Se presenta a l’escrich, e i capita. Admissibla per las espròvas oralas, se vei refusar son inscripcion. Motiu ? es una femna. Cal dire qu’a l’escrich lo nom èra mascat…
Aquò va pas l’empachar de far una bèla carrièra de ginecològa-obstetriciana.
Mentretemps de tot aquò, se maridèt amb Amanç Gaussel, medecin agregat de la facultat de medecina de Montpelhièr.
Lo maridatge se debanèt a Sant-Pargòri (Erau), que l’Amanç n’èra sortit.
Anèron viure a Pesenàs pendent qualques annadas abans de s’installar a Montpelhièr. Aguèron dos enfants.
A la guèrra de 1914/1918, l’Amanç foguèt mobilizat, e ne tornèt amb la legion d’onor.
De son costat, Glafira, en demai de sas cargas familialas e professionalas, prenguèt en man l’establissament « Bon Accueil », creat per son espós, vengut especialista en toxicologia. Per la pichòta istòria, Glafira i aguèt l’oportunitat de i costosir sos compatriòtes russes.
A la fin de sa carrièra, Glafira se consacrèt a l’inspeccion medicala de las escòlas e de las grépias.
Bèl parcors per una estrangièra – femna – alara que sèm aquí just a l’auba del sègle XX.
En 2020, la destinada d’aquelas femnas, en avança sus lor temps, foguèt mesa en lumièra a la favor de la commemoracion dels 800 ans de la Facultat de medecina de Montpelhièr, considerada coma la mai anciana al mond encara uèi en activitat.
Nos podèm regaudir que lo prestigi de França siá plan naut auçat, mercé atanben a de mond venguts d’alhors…e mai d’un còp mercé a de femnas.
Jos lor bèla cabeladura e jos lors ondraduras, i a un cervèl. Perqué aquel seriá mens intelligent qu’aquel dels òmes ? Caliá just bailar lor chança a las dònas ; encara que las mai ardidas d’entre elas an pas esperat qu’òm la lor dona per l’anar quèrre. Nos podèm glorificar qu’aguèsson dobèrt lo camin a las generacions futuras.
Me sembla que tot aquò se pòt aplicar als migrants.
A cada escalon de la societat, per avançar, avèm besonh de cervèls, de braces, de talents, valent a dire de tot mond de bona volontat.
E se, femnas e migrants nos i ajudan, seriá de bon ton d’o reconéisser, puslèu que de los denigrar, non ?
Glafira Ziegelmann
Qui peut être cette femme qui porte un nom à coucher dehors ? Cela ne sent pas la France profonde !…et alors ?
Pourtant la femme était française, mais d’origine russe.
Elle était née le 26 avril 1871 à Orenbourg (Russie), et elle est morte en octobre 1935.
En 1892, encore toute jeune, elle laisse son pays natal avec son amie Raïssa Leik (celle-ci sera plus tard la mère de l’écrivain Joseph Kessel).
Direction la Suisse pour aller y accomplir leurs études de médecine.
Mais en 1894, notre Glafira, après un court détour par Marseille, s’installe à Montpellier. Elle y fréquente la faculté de médecine de notre capitale régionale.
Après de brillantes études, elle fut la première femme interne des « Hôpitaux de Province » en 1903 ; première reçue au concours cliniquat en 1910, première chef de clinique femme.
Elle voudra se confronter à l’agrégation. Elle se présente à l’écrit, et y réussit. Admissible pour les épreuves orales, elle se voit refuser son inscription. Motif ? elle est une femme. Il faut dire qu’à l’écrit le nom était masqué…
Cela ne va pas l’empêcher de faire une belle carrière de gynécologue-obstétricienne.
Dans tout ce temps, elle se marie avec Amans Gaussel, médecin agrégé de la faculté de médecine de Montpellier.
Le mariage s’est déroulé à Saint-Pargoire (Hérault), dont Amans était natif.
Il s’en allèrent vivre à Pézenas pendant quelques années, avant de s’installer à Montpellier. Ils ont eu deux enfants.
A la guerre de 1914/1918, Amans a été mobilisé, e il en est revenu avec la légion d’honneur.
De son côté, Glafira, en plus de ses charges familiales et professionnelles, a pris en main l’établissement « Bon Accueil », créé par son mari devenu spécialiste en toxicologie.
Pour la petite histoire, Glafira y a eu l’opportunité d’y cocooner ses compatriotes.
A la fin de sa carrière, Glafira s’est consacrée à l’inspection médicale des écoles et des crèches.
Beau parcours pour une étrangère – femme – alors que nous ne sommes là qu’au début du XXème siècle.
En 2020, la destinée de ces femmes, en avance sur leur temps, a été mise en lumière à la faveur de la commémoration des 800 ans de la Faculté de médecine de Montpellier, considérée comme la plus ancienne au monde encore en activité.
On peut se réjouir que le prestige de la France soit hissé aussi haut, grâce aussi à des gens venus d’ailleurs…et plus d’une fois grâce à des femmes.
Sous leur belle chevelure et sous leurs atours, il y a un cerveau. Pourquoi celui-ci serait moins intelligent que celui des hommes ? Il fallait juste laisser leur chance aux femmes ; encore que les plus hardies d’entre elles n’ont pas attendu qu’on la leur donne pour aller la chercher. Nous pouvons nous glorifier qu’elles aient ouvert le chemin aux générations futures.
Il me semble que tout ceci peut s’appliquer aux migrants.
A chaque échelon de la société, pour avancer, nous avons besoin de cerveaux, de bras, de talents, c’est-à-dire de tout monde de bonne volonté.
Et si, femmes et migrants nous y aident, il serait de bon ton de le reconnaître, plutôt que de les dénigrer, non ?
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires