L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 9 d’octòbre de 2023.
QUAND LA SOCIALA FA ESCÒLA.
A l’image de la Securitat Sociala, creada a la sortida de la darrièra guèrra per lo Conselh de la Resisténcia, i a dins l’aire una bèla idèia, portada per un desenat d’organisazions divèrsas e patentadas.
Sa tòca es d’ajudar tota la populacion a se noirir mai correctament per lo versament de 150 èuros per mes e per caduna de las personas que compausan la familha, enfants compreses.
Se deu faire en concertacion amb las organizacions agricòlas, per que cadun i trobèsse son compte.
Es atal que ja, en 2019 un projècte emergiguèt, e lo 14 de setembre de 2023 una tribuna es publicada dins lo jornal « Marianne » : « bastir una Securitat Sociala de l’alimentacion per sortir de la logica de la caritat », que definís los grands axes d’aquel afar.
Sos tres pilars son :
- Universalitat : 150 èuros per persona virats sus una carta vitala alimentària.
- Convencionament organizat democraticament per la causida dels produches accessibles amb la carta. S’agís d’orientar las crompas en direccion de produches de qualitat, causidas elaboradas democrativament sos divèrsas formas possibles.
- Finançament : los besonhs sont estats evaluats a 120 miliards d’èuros per an, prelevats sus la « valor aponduda per l’economia » *. Aquela soma importanta representa en França 8 % d’aquela valor que foguèt de 2 157 miliards d’èuros en 2019, siá 2,8 % de mai qu’en 2018.
Coma òm lo vei, es una idèia de la bèlas, que donariá un pauc d’aire a totas las associacions, coma la Banca Alimentària, los Restòs del Còr, lo Secors Popular, las associacions religiosas, eca.
Sabèm qu’uèi, amai dins las populacions que trabalhan, i a de mond qu’en causa l’inflacion actuala, se pòdon pas pus noirir normalament, sens dire de voler manjar cada dimenge de chichorlets, la servieta de taula sus lo cap, que a l’entorn de las annadas 2 000, cada aucelon costava ja entre 100 e 150 èuros l’unitat !**
Mas quora aquel projècte, urgent, grandament simplificat aicí veirà lo jorn, se lo vei un jorn ? Benlèu al prètz de qualques – o nombroses – amendaments ? Crosem los dets e esperem.
*Valor aponduda : riquesa producha pendent lo procèssus de produccion, mercé al trabalh, als avers e als servicis provenent de tèrces.
** lo Chichorlet, Chichorla o Bruant Ortolan es una espècia en diminucion e es interdit de lo caçar dempuèi 1999, per un decret europenc, decret pas totjorn plan respectat.
QUAND LA SOCIALE FAIT ECOLE
A l’image de la Sécurité Sociale, créée à la sortie de la dernière guerre par le Conseil de la Résistance, il y a dans l’air une belle idée, portée par une dizaine d’organisations diverses et patentées.
Son but est d’aider toute la population à se nourrir plus correctement par le versement de 150 euros par mois pour chacune des personnes qui composent la famille, enfants compris.
Cela doit se faire en concertation avec les organisations agricoles, afin que chacun y trouve son compte.
C’est ainsi que déjà en 2019, un projet a émergé, et le 14 septembre 2023 une tribune est publiée dans le journal « Marianne » : « bâtir une Sécurité Sociale de l’alimentation pour sortir de la logique de la charité », qui définit les grands axes de cette affaire.
Ses trois piliers sont :
- Universalité : 150 euros par personne virés sur une carte vitale alimentaire.
- Conventionnement organisé démocratiquement pour le choix des produits accessibles avec la carte. Il s’agit d’orienter les achats en direction de produits de qualité, choix élaborés démocratiquement sous diverses formes possibles.
- Financement : les besoins ont été évalués à 120 milliards d’euros par an, prélevés sur la « valeur ajoutée par l’économie »*. Cette somme importante représente en France 8 % de cette valeur qui a été de 2 157 milliards d’euros en 2019, soit 2,8 % de plus qu’en 2018.
Comme on le voit, C’est une belle idée, qui donnerait un peu d’air à toutes les associations, comme la Banque Alimentaire, les restos du Coeur, le Secours Populaire, les associations religieuses, etc.
Nous savons qu’aujourd’hui, même parmi les populations qui travaillent, il y a des gens qui en raison de l’inflation actuelle, ne peuvent plus se nourrir normalement, sans vouloir manger chaque dimanche des ortolans, la serviette de table sur la tête, car aux environs des années 2 000, chaque oiseau coûtait déjà entre 100 et 150 euros l’unité ! **.
Mais quand ce projet, urgent, grandement simplifié ici verra-t-il le jour, s’il le voit un jour ? Peut-être au prix de quelques – ou nombreux – amendements ? Croisons les doigts et attendons.
*Valeur ajoutée : richesse produite pendant le processus de production, grâce au travail, aux biens et aux services provenant de tiers.
**Le Bruant Ortolan est une espèce en diminution, et il est interdit de le chasser depuis 1999, par un décret européen, décret pas toujours respecté.
Besonh de verificar los dires aucelièrs de l’Ivona, de cercar una traduccion, de vos assabentar e de vos faire plaser, comandatz lo libre subrebèl dau Joan Loís Segondy e dels Tega-Los.
0 commentaires