L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 17 de novembre de 2025
PROTOXIDE D’AZÒTE
Qu’es aquò ? S’o sabètz pas, o podètz totjorn demandar a de joines de vòstra coneissença. Segur qu’eles o sabon. Aquò vòl pas dire que passan totes a la practica.
Lo protoxide d’azòte es un gas que pendent d’annadas foguèt utilizat coma anestesiant per d’operacions cirurgicalas ; es atanben batejat « gas ilarant ». Òm lo pòt trobar per exemple dins de capsulas que servisson a fabricar vòstra crèma « chantilly» a l’ostal… aquò per sas vertuts.
Per contre per d’unes la temptacion es tròp fòrta per resistir a l’utilizar per far una bona espofada entre amics.
Ven un moment ont las conariás classicas qu’avèm totes fachas mancan de sal e sentisson lo vielhum.
Aquò s’arrestèsse a una panta de rire, de còps provocada per un cambiament dins la votz, seriá pas grèu.
Mas lo gas ilarant pòt provocar de vertiges, d’accidents, de convulsions, destimborlar…
E quand en mai, amb la pèrda de lors mejans los joines s’avisan de préner la veitura, lo pièger pòt arribar…e es arribat. Un joine que seriá estat jos empresa d’aquela salopariá ne ven d’esclafar un autre que passava tranquillament son camin e qu’es mòrt. Es grèu, pro grèu !
Es grèu emai per lo conductor que, un còp desgrisat, per pauc qu’aja un pauc de dignitat, n’aurà benlèu pas pro de sa vida tota per se remetre d’aquela espingada.
Se la legislacion en la matèria es abondanta, son aplicacion s’avera complicada, ja del fach que mièja ora après sa presa, òm troba pas pus traça d’aquel element quimic dins lo còs.
Cossí far per faire compréner a nòstra joinessa (lo monde de deman) qu’òm se pòt amusar sens se destruire la santat e sens portar prejudici a la vida dels autres. Fin finala sens consumir totas aquelas drògas qu’enriquisson d’unes totjorn lèstes a rendre lor funèste comèrci de mai en mai florissent.
Es verai que nòstra epoca es pas regaudissenta – e encara avèm pas tot vist – mas es pas una rason per i apondre una punhada de bestiesas que tre complidas pòdon èsser plangudas.
E de còps es tròp tard, e lors consequéncias se pòdon rebalar longament, o tota la vida. O çò que ne sòbra quand ne sòbra…
PROTOXYDE D’AZOTE
Qu’est-ce ? Si vous ne le savez pas, vous pouvez toujours le demander à des jeunes de votre connaissance. Pour sûr, eux le savent. Cela ne veut pas dire qu’ils passent tous à la pratique.
Le protoxyde d’azote est un gaz qui pendant des années a été utilisé comme anesthésiant pour des opérations chirurgicales ; il est aussi baptisé « gaz hilarant ». On peut le trouver par exemple dans des capsules qui servent à fabriquer votre crème « chantilly » à la maison…cela pour ses vertus.
Par contre, pour certains la tentation est trop forte pour résister à l’utiliser pour faire une bonne rigolade entre amis.
Il vient un moment où les conneries classiques que nous avons tous faites manquent de sel et sentent la vieillesse.
Si cela s’arrêtait à une pante de rire, parfois provoquée par un changement de voix, cela ne serait pas grave.
Mais le gaz hilarant peut provoquer des vertiges, des accidents, des convulsions, rendre désorienté…
Et quand en plus, avec la perte de leurs moyens les jeunes s’avisent de prendre la voiture, le pire peut arriver…et le pire est arrivé.
Un jeune qui aurait été sous emprise de cette saloperie vient d’en renverser un autre qui passait tranquillement son chemin et qui est mort. C’est grave, très grave !
C’est grave aussi pour le conducteur qui, une fois dégrisé, s’il lui reste un peu de dignité, n’aura pas assez de toute sa vie pour se remettre de ce faux-pas.
Si la législation en la matière est abondante, son application s’avère compliquée, déjà du fait que demi-heure après sa prise, on ne trouve pas trace de cet élément chimique dans le corps.
Comment s’y prendre pour faire comprendre à notre jeunesse (le monde de demain) qu’on peut s’amuser qans se détruire la santé et sans porter préjudice à la vie des autres. Finalement sans consommer toutes ces drogues qui enrichissent certains toujours prêts à rendre leur funeste commerce de plus en plus florissant.
Il est vrai que notre époque n’est pas réjouissante – et encore nous n’avons pas tut vu – mais ce n’est pas une raison pour y ajouter une poignée de bêtises qui sitôt accomplies peuvent être regrettées.
Et parfois il est trop tard, et les conséquences peuvent traîner longtemps, ou toute la vie. Ou ce qu’il en reste, quand il en reste…
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires