Totes los Lodeveses coneisson Parlatges, Aubanha e lo Pas de l’Ausida …

Autres còps a Parlatges, las femnas menavan los enfants que parlavan pas, los muts davant la Verge de Parlatges.

A  Aubaygue (Ô Bègue)(=Aubanha), menavan tanben davant la Verge, los enfants que quequejavan “que!que!que!

Mas, quand las mametas èran tròp vièlhas, las menavan pas a ges de Verge !…las menavan al Pas de l’Ausida.Un òme èra cargat d’aquel trabalh. A solelh colc, aquel òme s’endralhava cap al pas de l’Ausida; aviá cargat la Mameta sus l’esquina e la laissava al Pas ! La paura femna cridava tota la
nuèch:”Ausís-me,ausís-me…”fins que se moriguèsse de freg e de paur!

D’aquí lo nom del pas: lo Pas de l’Ausida ” e lo nom de l’òme “lo Monta Mameta”.

Ara lo Pas a pas cambiat de nom,e lo mestièr existís totjorn: coneissèm un òme qu’a vendut de monta-mametas electrics que son ara dins cada ostal ont demòra una vièlha mameta. Se sap plan que los papetas son mòrts de davant !

E aquel òme li disèm : lo Montamametas.

Maria-Loïsa Jourdan e Jaume Fuzier