L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 22 de genièr de 2026
ALÈRTA ! DESNATALITAT
Que nos arriba, e pas solament en França ? Vaquí que los cobles meton la pedala doça sus la procreacion.
Vòlon traversar la vida, qu’es plan corteta a l’escala del temps, per s’acomplir a lor sol profièch ?
Veson que lo monde d’ara es pas meravilhós e son pas preissats de i expausar lor progenitura ?
O alara serián los efièches tardius de la contracepcion, que dins las annadas 60, foguèt considerada coma una astrada granda. Tant e tant de cobles aculhiguèron aquel progrès amb fòrça contentament.
De fach, a l’ora actuala, lo nombre de naissenças a baissat. Dos, tres enfants (e encara de còps quand arriban de bessons). Espèran benlèu lor assegurar una vida melhora ?
Una granda majoritat de femnas trabalhan en defòra de lor fogal ; çò que las empacha pas de ne préner la pus granda carga. Cal reconéisser qu’es pas aisit de conciliar tot aquò.
Demai, ara las femnas vòlon partir en vacances, viatjar, s’adonar a un espòrt…o dos, apréner a jogar del piano, apréner l’occitan…
Qualques chifras per França : en 2025 son nascuts 645 000 nenons, siá 2,1 % de mens qu’en 2024, mas 24 % de mens qu’en 2010, nivèl lo mai bas dempuèi la darrièra guèrra.
En consequéncia, lo resultat es negatiu e es a -6000. Es a dire que i a mas de vièlhs en vida que de naissenças. Lo sulhet de renovelament de la populacion sembla per lo moment en dangièr.
Benlèu que una bona politica d’ajuda als joines mainatges podriá melhorar la situacion. Basta !
Sens parlar d’assegurar encara qualques bons jorns als ainats, se va pausar lo problèma de l’emplec.
L’I.A. que pel moment fa mai de degalhs que de profièches serà seguramant ajudada per de robòts, mas cal ben de mond per los fabricar, e cal ben de doctors en robòts per los reparar quand tomban en pana.
Caldrà pas atanben faire lo refastinhós quand d’estrangièrs consentiràn a venir trabalhar en çò nòstre. E tanplan que lor caldrà faire de corbetas.
Mas anam demorar positius : esperam que vosautres, los joines, voldretz pas que vòstres grands mancan de que que siaga. Comptan sus vosautres per pas veire lors pensions tròp escorgadas.
Anem, quichatz-vos ! e vos demandam pas de pensar a vòstra mameta quand passaretz a l’acte…
Anem, après tot, es pas una tan granda corvada de fabricar un nenon ! Si ?
ALERTE ! DÉNATALITÉ
Que nous arrive-t-il, et pas seulement en France ? Voilà que les couples mettent la pédale douce sur la procréation.
Veulent-ils traverser la vie, qui est bien courte à l’échelle du temps, pour s’accomplir à leur seul profit ?
Voient-ils que le monde d’aujourd’hui n’est pas merveilleux et ils ne sont pas pressés d’y exposer leur progéniture ?
Ou alors serait-ce les effets tardifs de la contraception qui, dans les années 60, fut considérée comme une grand chance. Tant et tant de coupes ont accueilli ce progrès avec grand contentement.
De fait, à l’heure actuelle, le nombre de naissances a baissé. Deux, trois enfants (et encore quand arrivent des jumeaux). Espèrent-ils peut-être leur assurer une vie meilleure ?
Une grande majorité de femmes travaillent hors de leur foyer ; ce qui ne les empêche pas d’en prendre la plus grande charge. Il faut reconnaître qu’il n’est pas facile de concilier tout cela.
De plus, maintenant les femmes veulent partir en vacances, voyager, s’adonner à un sport…ou deux, apprendre à jouer du piano, apprendre l’occitan…
Quelques chiffres concernant la France : en 2025 sont nés 645 000 bébés, soit 2,1 % de moins qu’en 2024, mais 24 % de moins qu’en 2010, niveau le plus bas depuis la dernière guerre.
En conséquence, le solde est négatif et est à -6000. C’est-à-dire qu’il y a plus de vieux en vie que de naissances. Le seuil de renouvellement de la population semble pour le moment en danger.
Peut-être qu’une bonne politique d’aide aux jeunes ménages pourrait améliorer la situation. Chiche !
Sans parler d’assurer encore quelques bons jours aux aînés, le problème de l’emploi va se poser.
L’I.A. qui pour le moment fait plus de dégâts que de profits sera sans doute aidée par des robots, mais il faut bien des gens pour les fabriquer, et il faut bien des docteurs es robots pour les réparer lorsqu’ils tombent en panne.
Il ne faudra pas non plus faire la fine gueule quand des étrangers consentiront à venir travailler chez nous. Et peut-être qu’il faudra leur faire des courbettes.
Mais nous allons rester positifs : espérons que vous autres, les jeunes, ne voudrez pas que vos grands-parents manquent de quoi que soit. Ils comptent sur vous pour ne pas voir leurs pensions trop écorchées.
Allons « quichez-vous » ! Et on ne vous demande pas de penser à votre mamée quand vous passerez à l’acte…
Allons, après-tout, ce n’est pas une si grande corvée que de fabriquer un bébé ! Si ?
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires