L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 17 de setembre de 2026
LO CAMEMBÈRT
Tot lo mond coneis aquel formatge francés, que deu son nom a son vilatge, Camembèrt, departament de l’Orne.
Son istòria ten mai de la legenda que de la vertat mas las legendas son aicí per embelir.
Se tracha d’una bordièra, Maria Harel, e d’un capelan bartassièr, Charles Joan Bonvoust.
Sabèm pas tròp çò que se passa entre aqueles dos, mas la Maria amaga lo curat dins sa bòria, que sèm en plena Revolucion.
Per la mercejar, lo capelan li transmet lo secrèt de la fabricacion d’afinament dels formatges.
Tre lo sègle XVIII, se tròba traça de la reputacion del camembèrt, recercat per son gost.
A la debuta del sègle XIX, son los descendents de Maria Harel que desvolopan la comercialisacion d’aquel formatge ja plan presat dels coneisseires.
Ara las comandas son regularas.
En 1863, l’emperador Napoleon lll, a l’ocasion d’un viatge entre París e Grandville, gosta al camembèrt mercé lo felen de Maria Harel.
L’adòpta sulpic (lo camembèrt e pas lo felen) e semblariá que son odor, que a res a veire amb Numèro V de Chanel, aguèsse pas contrariat sas narras imperialas.
A l’ocasion de sos viatges, l’emperador en persona se carga de far conéisser e partejar lo dich formatge encara desconegut dins la França prigonda.
En 1890, n’i a un qu’a l’idèa de plaçar lo camembèrt dins una boita de fusta de pibol. Bona idèa, i caliá pensar, qu’aquò ajuda a sa conservacion (ges de frigos a l’epòca).
Davant son succès, espelisson de nòvas formajariás, e passam al nivèl industrial.
En 1918, se ditz que l’armada francesa crompa fins a 10 000 camembèrts per jorn !
Solament se fabrica de contrafaiçons. Son l’objècte de procèsses, e en 1926, una Cort d’apèl declara public lo nom de camembèrt.
En 1983, es enfin decidit que l’apelacion AOC de Normandia serà autorizat per los que respectan lo ligan al terrador normand e las tecnicas confòrmas a la tradicion : lach crus, molatge fraccionat, estorratge espontanèu, e condicionat dins una boita de fusta.
En 1996, l’apelacion deven AOP. Es a dire que passam al nivèl europenc.
Coma se vei, la vida del camembèrt es estada traversada de conflictes juridics. Caliá luchar contre l’usatge abusiu del nom per los industrials, sospechats de respectar pas las nòrmas de fabricacion legalas.
Los consomators eles, se pausan pas tant de questions quand ven l’ora de presentar lor platèl de formatges.
E se a la degustacion los convidats i tòrnan pas per un bocinet de camembèrt de mai, sens doblidar lo veirat de bon vin que deu l’acompanhar dignament, es que son pas satisfaches… o que son sadols de manjar e de beure…
Es per aquò que cal totjorn gardar una pichòta plaça per lo formatge.
LE CAMEMBERT
Tout le monde connaît ce fromage français, qui doit son nom à son village, Camembert, département de l’Orne.
Son histoire tient plus de la légende que de la vérité, mais les légendes sont là pour embellir.
Ici il s’agit d’une fermière, Marie Harel, et d’un curé réfractaire, Charles-Jean Bonvoust.
On ne sait pas trop ce qu’il se passe entre ces deux là, mais Marie cache le curé dans sa ferme, car nous sommes en pleine Révolution.
Pour la remercier, le curé lui transmet le secret de la fabrication d’affinage des fromages.
Dès le XVIIIème siècle, on trouve trace de la réputation du camembert, recherché pour son goût.
Au début du XIXème siècle, ce sont les descendants de Marie Harel qui développent la commercialisation de ce fromage déjà si apprécié des connaisseurs.
Maintenant les commandes sont régulières.
En 1863, l’empereur Napoléon III, à l’occasion d’un voyage entre Paris et Grandville, goûte au camembert grâce au petit-fils de Marie Harel.
Il l’adopte aussitôt (le camembert, pas le petit-fils) et il semble que son odeur, qui n’a rien à voir avec Numéro V de Chanel, n’ait pas contrarié ses narines impériales.
A l’occasion de ses voyages, l’empereur en personne se charge de faire connaître et partager ledit fromage encore inconnu de la France profonde.
En 1890, il y en a un qui a l’idée de placer le camembert dans une boîte en bois de peuplier, car ceci aide à sa conservation (pas de frigos à l’époque).
Devant son succès, on voit émerger de nouvelles fromageries, et nous voilà au stade industriel.
En 1918, il se dit que l’armée française commande jusqu’à 10 000 camemberts par jour !
Seulement, il se fabrique des contrefaçons. Elles sont l’objet de procès, et en 1956, une Cour d’appel déclare public le nom de camembert.
En 1983, il est enfin décidé que le label AOC de Normandie ne sera autorisé que pour ceux qui respectent le lien au terroir normand et les techniques conformes à la tradition : lait cru, moulage fractionné, égouttage spontané, et conditionné dans une boîte en bois.
En 1996, l’appellation devient AOP. C’est-à-dire que nous passons au niveau européen.
Comme on le voit, la vie du camembert a été traversée de conflits juridiques. Il fallait lutter contre l’usage abusif du nom par les industriels, soupçonnés de ne pas respecter les normes de fabrication légales.
Les consommateurs eux, ne se posent pas autant de questions quand vient l’heure de présenter leur plateau de fromages.
Et si à la dégustation les invités ne reprennent pas un petit morceau de camembert, sans oublier le godet de bon vin qui l’accompagne, c’est qu’ils ne sont pas satisfaits…ou qu’ils sont repus de manger et de boire…
C’est pour cela qu’il faut toujours garder une petite place pour le fromage.
Vos agradèt aquela bilheta?
N’auretz aquí un pauc mai amb L'uòlh del buòu. En venda dins totas las bonas librariás.