Lo temps dels vòts es de costuma vodat a l’optimisme, e cadun de cercar las lunetas ròsas per se las cargar. Soi pas dins l’idèia de me’n escapar, pasmens l’anar del mond dins maites domenis nos tira pas cap a una beatituda meravilhada.
Quand la letra de l’IEO OPM saluda la sortida dau libre que publicam: « Visca lo sénher President! »
Anatz dire, los de l’IEO d’Erau, e…rau!!, an virat canturla (e la vèsta) de cridar uòi Visca lo Sénher President !
Non, non, se tracha pas d’un president que càmbia mai sovent de primièr ministre (serà lèu plegat Lobanut!) que de cravata…
Es estat premiat dos còps, l’Anamorfòsis de Florian Vernet que recebèt lo primièr prèmi adulte calandreta de 2025 e aquel dels estudiants d’occitan de l’Universitat Pau Valery.
Èran agotats, lo Petit guide insolent des mots occitans passagers (clandestins) du français de F. Vernet tanben, d’aucèls e d’òmes de Segondy e la Gèsta dau Montamametas. Son estats tornar imprimits.
Bona lectura, dins l’espèra d’una novèla tinada tras que chucosa qu’es en camin. (L’aurem per vendémias!)
Lo 28 de junh a partir de 17h. Plaça Carnot. Entre autres, omenatge a La Sauze; la cabra e lo bodegaire, conte musical; concèrt de Cristian Almerge; balèti cordes à guinche; espectacle lo droc de fuòc.
E los libres de l’IEO.