30-01-24 – 18 oras Montpelhièr rescontre del libre occitan : « D’aucèls e de gorillas », actualitats d’E… rau ! edicions.
D’aucèls e de gorillas, lo 30 de genièr
lire plus
IEO 34
Amb la despartida de Cristian Chaumont, la lenga occitana ven de pèrdre un de sos valents servidors
Quand lo vegère au mes de setembre per li portar Au dintre de la clòsca, penecava mas semblava pas a las espèrras, luònh se’n manca. L’uòlh beluguejant, un camiset macarelizat, aviá solament installat son rambalh d’escritura dins son salon que me diguèt que podiá pas pus montar dins sa cajaròca d’escrivan, au trastet de l’ostau. Pas mai.
E puòi aprenèm que nos a quitat, lo Cristian, aqueste 24 de decembre. Nos faguèt l’onor de nos fisar a l’IEO Lengadòc e IEO Erau, l’edicion de 6 de sos 7 romans. Mercé per ton amistat e capelada Mèstre Cristian.
Traparetz aquí l’omenatge que li fa lo Sèrgi Viaule e una vidèo que vene de tornar trapar dins lo telefonet.
Encara un còp anam pagar per Villers-Cotterêts
Òm sap que del temps del rei Francés Ier, lo ben nommat, un edicte lai foguèt signat per impausar lo francés contra lo latin dins las papafards oficials.
AG2023, clap de fin
Una sala subrebèla mesa a nòstra disposicion; una assisténcia nombrosa; d’escambis positius e constructius; la visita dau deputat Sebastian Rome (LFI) e dau primièr adjonch a la comuna de Lodeva Ludovic Cros (PC); un dinnar dels melhors e un après miègjorn plan capitat menat per un parelh de guidas locaus remirable.
A la manòbra lo cercle de Lodeva per una organizacion perfiècha.
Rebat en fòtos.
Amperiance e l’IEO34, coma la carn e l’ongla
Es la bona suspresa de la rintrada ! La societat d’electricitat Amperiance installada uòi a Laveruna nos ven d’ofrir, mercé son gerent Julian Cavadore e l’entremesa de Regina Cipra, la presidenta de tria de Juvinhac Occitan, una imprimenta-fotocopiadoira de tipe professional.
Ara sèm brancats, la propaganda va rajar a tota bomba, a la velocitat de la lutz!
L’AG sens tu, mòrta es!
AG2023 de l’IEO34, lo 24 de setembre a Lodeva, sala Maria Cristina Bousquet.
Se sarra l’AG. Es lo quichaclau per se marcar…
AG2023 de l’IEO34, lo 24 de setembre a Lodeva
Convocacion-Convidacion
Los aderents (e amics) de la seccion d’Erau de l’Institut d’Estudis Occitans ( IEO 34 ) son convocats e convidats a l’amassada generala de l’associacion per 2023 que se tendrà aqueste an :
lo dimenge 24 de setembre de 2023
a LODEVA (34) Sala Marie Christine BOUSQUET, 1 place Francis Morand
Oraris estivencs
Las darrièiras infos e tot çò de saupre abans l’estiu sus vòstra seccion departamentala.
E… RAU!!
Novèlas causidas de Luigi Pirandello, traduccion de Miquèl Pedussaud
Luigi Pirandello (Agrigente 1867 – Roma 1936) es un autor italian, poèta, romancièr. Es subretot conegut per son teatre mas tanben coma novelista. Son libre Novelle per un anno ten una plaça centrala dins son òbra.
Aquí un manat plan causit d’aquelas novèlas passadas a l’occitan (e de quin biais!) per lo Miquèl Pedussaud.
Salon dau libre de Bessan, dissabte 22 d’abril
Segonda edicion dau salon dau libre de Bessan dins l’encastre de la jornada mondiala dau libre.
Sala de las fèstas, a partir de 10h.
Amb la participacion de l’IEO34.