L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 15 d’abril de 2024
ANGUILA JOS RÒCA
(seguida e fin).
Aquò manca pas d’intrigar la Marineta, mas son fraire es talament aürós !…Pasmens a pas dich son darrièr mot ; es pas per azard qu’òm la sona « la Faïna».
Lo jorn del maridatge, la Carlòta fa son intrada dins la glèisa, inondada de flors e de musica esmoventa, davalant de l’orguena dins una bèla armonia.
Dins sa rauba ivòri que met en valor son tench nacrat, la Carlòta es una vision de sòmi que s’avança vèrs l’autar dins l’alèi centrala.
Lo Gaston la rejonch sens un mot tant es esmogut, emocion partejada per la glèisa tota.
Lo capelan pronóncia los mots fatidics : Gaston Pondut, volètz préner per esposa Carlòta Joiosa ? Gaston, caravirat s’entend dire de NON, un NON mal assegurat, mas pr’aquò un NON !!!
Un mormolh de suspresa e d’incompreneson ganha la glèisa tota. Lo capelan n’es estabordit.
N’i a pas qu’una, trista mas solatjada que compren çò que se passa. Lo quite jorn, la Marineta a prevengut son fraire tant aimat. A pas pogut s’empachar de menar son enquista, e ven just d’apréner que la Carlòta es estada maridada dos còps amb d’òmes rics. E lo « malastre » volguèt que foguèsse lèu lèu veusa dels dos òmes, mòrts dins de circonstàncias mal definidas.
La Carlòta s’es lèu enanada, e degun a pas jamai agut d’autras nòvas d’ela.
Gaston, coneissent lo travèrs de sa sòrre, que li aviá volgut son escais de « la Faïna », s’èra atissat e i aviá barrat la pòrta al nas.
Mas vaquí. A l’ora del mai grand viratge de sa vida, lo clic se faguèt. E se la sòrre aviá rason ? Cal reconéisser que seriá pas lo primièr còp, se pensèt.
E sulpic, sens ne préner realament consciéncia, veniá de dire de non a son grand bonaür tant esperat. Veniá de decidir malgrat el de far mentir lo provèrbi que ditz : « jamai dos sens tres ». Non, seriá pas el lo tresen.
Mas seriá èsser maissanta lenga d’apondre que l’eretatge dels nebots veniá d’èsser salvat in extremís !
Nòta de l’autora : D’unes me van dire que lo Gaston qu’a pas dich de non a la ceremonia oficiala de la comuna, es maridat e plan maridat. Mas aicí sèm dins una ficcion, e m’agrada mai de situar la scèna dins lo « decorum » mai esmovent de la glèisa.
ANGUILLE SOUS ROCHE
(suite et fin)
Cela ne manque pas d’intriguer Marinette, mais son frère est tellement heureux !…Cependant, elle n’a pas dit son dernier mot ; ce n’est pas par hasard qu’on l’appelle « la Fouine ».
Le jour du mariage, Charlotte fait son entrée dans l’église, inondée de fleurs et de musique émouvante, descendant des orgues dans une belle harmonie.
Dans sa robe ivoire qui met en valeur son teint nacré, Charlotte est une vision de rêve qui s’avance vers l’autel dans l’allée centrale.
Gaston la rejoint sans un mot tant il est ému, émotion partagée par l’église entière.
Le curé prononce les mots fatidiques : Gaston Pondut, voulez-vous prendre pour épouse Charlotte Joyeuse ? Gaston, bouleversé s’entend dire NON, un NON mal assuré, mais un NON tout de même !!!
Un murmure de surprise et d’incompréhension gagne toute l’église. Le curé est abasourdi.
Il n’y en a qu’une, triste mais soulagée qui comprend ce qu’il se passe. Le jour même, Marinette a prévenu son frère tant aimé. Elle n’a pas pu se défendre de mener sa petite enquête, et vient juste d’apprendre que Charlotte a été mariée deux fois à des hommes riches. Et la « malchance » a voulu qu’elle soit très vite veuve des deux hommes morts dans des circonstances mal définies.
Charlotte s’en était allée rapidement et personne n’a jamais eu d’autres nouvelles d’elle.
Gaston, connaissant le travers de sa sœur, qui lui avait valu son surnom de « la Fouine », s’était agacé et lui avait fermé la porte au nez.
Mais voilà. A l’heure du plus grand virage de sa vie, le déclic s’était fait. Et si sa sœur avait raison ? Il faut reconnaître que ce ne serait pas la première fois avait-il pensé !
Et à l’instant, sans même en prendre réellement conscience, il venait de dire non a son grand bonheur tant attendu. Il venait de décider malgré lui de faire mentir le proverbe qui dit : jamais deux sans trois. Non il ne serait pas le troisième.
Mais ce serait être mauvaise langue que d’ajouter que l’héritage des neveux venait d’être sauvé in extremis !
Note de l’auteure : Certains vont me dire que Gaston qui n’a pas dit non à la cérémonie officielle de la mairie, est marié et bien marié. Mais ici nous sommes dans une fiction, et il me plaît davantage de situer la scène dans le décorum plus émouvant de l’église.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires