L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 25 de novembre de 2024
SANTA CATARINA
Es lo bon moment per plantar legums, fruchas, flors, que « a la Santa Catarina, tot pren rasiga » nos ditz lo provèrbi.
De mai, la costuma voliá qu’aquel jorn òm metèsse a l’onor las filhas de 25 ans qu’avián pas encara trapat un marit.
Segur qu’aquela tradicion se pèrd, qu’ara n’i a un fum de filhas que son pas preissadas de se maridar e d’aver d’enfants.
Sovent an pas encara acabat lors estudis ; d’autras vòlon d’abòrd assetar lor carrièra professionala, o profechar d’una vida de celibatària sens tròp de laguis.
Mas per las qu’o volián, èra l’ocasion de far una fèsta polideta e sens pretencion.
Se n’i a que se regaudissián de lor estatut de celibatària liura comme l’aire, per d’autras se vesiá jos lor bèl capèl una riseta doça-amara…
Las amiguetas s’afairavan pendent qualques jorns a decorar un capèl amb de flors, mas atanben d’objèctes o de joguets que rementavan los gostes o los lésers de la joineta o encara son trabalh.
Aquò se disiá cofar Santa Catarina.
Qualques mots de simpatia èran prononciats abans de lor ofrir un bèl ramelet e de partejar una còca famosa e una copeta. De còps totes aqueles amics anavan festejar ensems fins a l’auba…
Èra totjorn un moment de doçor e d’amistat.
E coma a cada problèma i a una solucion, òm pòt recomandar a las Catarinas qu’an paur de demorar al cròc, d’anar rodejar del costat de la forèst de Brecelianda. I a una anciana font qu’auriá un fum de vertuts, dont la d’ajudar a trapar un marit.
Mas ieu sabi pas s’òm se deu regaudir de téner un marit que seriá enviat dempuòi la prigonda forèst de Brecelianda per la fada Viviana qu’èra tan gelosa. Se cal rapelar lo sòrt que faguèt subir a l’encantaire Merlin, es a dire la preson a vida, preson de nívols, mas pasmens preson.
SAINTE CATHERINE
C’est le bon moment pour planter légumes, fruits, fleurs, car « à la Sainte Catherine tout prend racine », nous dit le proverbe.
De plus la coutume voulait que ce jour-là on mette à l’honneur les filles de 25 ans qui n’avaient pas encore trouvé de mari.
Pour sûr cette tradition se perd, car il y a beaucoup de filles qui ne sont pas pressées de se marier et d’avoir des enfants.
Souvent elles n’ont pas encore terminé leurs études ; d’autres veulent d’abord asseoir leur carrière professionnelle, ou profiter d’une vie de célibataire sans trop de soucis.
Mais pour celles qui le voulaient, c’était l’occasion de faire une jolie petite fête sans prétention.
S’il y en a qui se réjouissaient de leur statut de célibataire libre comme l’air, pour d’autres on voyait bien sous leur beau chapeau un sourire doux-amer…
Les amies s’affairaient pendant quelques jours à leur
décorer un chapeau avec des fleurs, mais aussi des objets ou des jouets qui rappelaient leurs goûts et leurs loisirs ou encore leur travail.
Quelques mots de sympathie étaient prononcés avant de leur offrir un beau bouquet et de partager un fameux gâteau et une coupette.
C’était toujours un moment de douceur et d’amitié.
Et comme à chaque problème on trouve une solution, on peut recommander aux Catherinettes qui sont restées au croc, d’aller traîner du côté de la forêt de Brocéliande. Il y a une ancienne fontaine qui aurait un grand nombre de vertus, dont celle d’aider à trouver un mari.
Mais pour ma part, je ne sais pas si l’on doit se réjouir de trouver un mari qui serait envoyé depuis la profonde forêt de Brocéliande par la fée Viviane, qui était si jalouse. Il faut se rappeler le sort qu’elle a fait subir à l’enchanteur Merlin c’est-à-dire la prison à vie, prison de nuages, mais prison quand même.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires