L'òme e l'animal
L’òme e l’animal
L’òme e l’animal, una longa istòria ! Complici o adversari, somés o dominator, aquò poiriá qualificar las relacions entre eles dempuèi de sègles..
Tanben es pas estonant de trobar dins las dichas, provèrbis, expressions, dels noms d’animals. Balhar als animals de las qualitats o dels defauts o plan se comparar a eles, tot aquò se trapa mai que mai dins la tradicion orala.
Vos prepausi de ne descobrir, o tornar descobrir d’unes.
Lista de provèrbis, dichas, expressions sul comportament, lo caractèr, lo biais de far : « Dormir coma una missara », dormir longtemps. « Nadar coma un peis dins l’aiga », èsser plan, dins son element. « Escotar coma las aucas », escotar pas. « Content coma un mèrle », es totjorn content lo mèrle quand fiula ? « Plorar coma una vaca sens vedèl », èsser plan malurós. « Content coma una galina qu’a trobat un cotèl », èsser pas content . « Fenhant coma un can », paure bèstia, l’avem cargat de plan de malurs ! « Banhat coma un tiron (o una sopa) », es temps de cambiar de vestits ! « Las agaças fan pas de canaris » o « los cans fan pas de gats », tal paire, tal filh.
« A pas copat las dents a las granhòtas » o «Portarà pas las cauças d’un notari », es un pauc coma Batiston de Colhonàs, non ?
« Valent coma una formiga », trabalhaire, necessitós. « Es un pesolh revengut! » ges de comentaris !
Se tròba tanben d’expressions, provèrbis suls repaisses o lo beure :
« L’aucèl pica a la gàbia », se far ausir per manjar !
« Manjar coma un aucelon », aver un apetís pichon, pichonet !
e al contrari « Manjar coma un lop ».
Manjar solhardament ? es « Manjar coma un pòrc ».
« Beure coma un trauc de taupa », beure sens set, sens s’arrestar !
E ara los cal utilizar dins las vòstras conversacions. Segur que coneissètz d’autres provèrbis, dichas, expressions . Cal butar a la ròda !
E zon, al còp que ven !
L’homme et l’animal
L’homme et l’animal, une longue histoire. Complice ou adversaire, soumis ou dominateur ces quelques mots pourraient qualifier les relations entre eux.
Aussi n’est-il pas étonnant de trouver dans les dictons, proverbes, expressions, des noms d’animaux. Donner aux animaux des qualités ou des défauts ou bien se comparer à eux nous sont parvenus souvent par la tradition orale.
Je vous propose d’en découvrir, ou redécouvrir certains.
Liste de proverbes,dictons, expressions sur le comportement, le caractère, la façon d’être : « Dormir comme un loir », dormir longtemps. « Nager comme un poisson dans l’eau », être à son aise, dans son élément. « Écouter comme les oies », ne pas obéir. « Content comme un merle », est-il toujours content le merle quand il siffle ? « Pleurer comme une vache sans veau », être très malheureux. « Content comme une poule qui a trouvé un couteau », ne pas être content du tout. « Feignant comme un chien », pauvre bête, on le charge de bien de maux ! « Trempe comme un petit canard (ou une soupe) », il est temps de changer de vêtements ! « Les pies ne font pas des canaris » ou « les chiens ne font pas des chats », tel père, tel fils.
« Il n’a pas cassé les dents aux grenouilles » ou « il n’a pas inventé la poudre », c’est un peu comme Batiston de Colhonas, non ?
« Vaillant comme une fourmi », travailleur, besogneux. « Quel orgueilleux ! » pas de commentaires !
On trouve aussi des expressions, proverbes dictons sur les repas ou la boisson :
« L’oiseau frappe du bec à la cage », se faire entendre car on a faim !
« Manger comme un petit oiseau », avoir un petit appétit.
et au contraire « Manger comme un loup ».
Et manger salement ? « Manger comme un porc ».
« Boire comme un trou de taupe », boire sans soif, sans s’arrêter !
A vous de les utiliser dans vos conversations, ainsi que d’autres que vous connaissez, je n’en doute pas !
Allez, zou, à la prochaine !
Lo Mescladís e Zibola, lo libre dau Bòbi en venda dins totas las bonas librariás !
Una pòrta d’intrada dins la lenga e la cultura occitana, una pòrta bèla qu’aquelas cronicas, a l’origina radiofonicas per ràdio Lengadòc e ràdio Lodeva, destriadas en quatre categorias: “Contes e legendas”; “Cultura occitana”; “Fèstas e jòcs”; e “O sabiatz?” Lo legeire, novelaire o assabentat de la causa occitana, i farà son pro e i trobarà sens cap de dobte son bonaür. Completadas per l’Istòria polida de Zibola premiada per lo CAÒC en 2023.
0 commentaires