

Cambiament climatic
Cambiament climatic
Encara un tèxt de l’amic de Sobès, qu’ai revirat. Mercé l’amic !
En aquelas vespradas plan caudas, los estatjants que se son barricadats darrièr lors contravents clauses, e que fan una polida prangièra, se languisson de sortir dins la carrièra, lo ser, per prene lo fresc. A Sobès, lo camin « des Garennes » luènh dels ostals que las pèiras de tuf tornan enviar la calor amolonada dins la jornada, es lo luòc plan aimat del mond : los bancs son totes ocupats per aprofechar de la vista panoramica sus la val del Suberbet e la « muralha » del Larzac. Lo Mut, Lulu e Lo chiche debatan del rescalfament climatic e se trapan amb lo jove Yohan. « Pareis que lo riu de Coutelles raja pas mai. Es pas novèl, autrecòps, tanben èra sec en estiu » ditz Lo Mut. Yohan es pas d’acòrdi amb son interlocutor e torna dire las paraulas del papeta : « En aquel temps, i aviá de prats sus las ribas per lo manjar dels cavals. Èran irrigats per besals e i aviá mens d’aiga dins lo riu, de segur ». « Es vertat, aviái oblidat ! » ditz Lo Chiche que se rememòria los polits cavals de bast dins lo vilatge. Lo Mut, un pauc moquet, trapa alara una autra afirmacion qu’espèra, aqueste còp, incontestabla. « Es coma los episòdis cevenòls, son mai fòrts qu’abans, se dison. Ieu , me remembri, a la davalada, se vesiá sortir los adoses* suls travèrses del Larzac. Ara, es acabat aquò raja pas mai ! » Yohan a una explicacion, benlèu, aquò fara tresfolir lo vièlh ! «Rajan totjorn los adoses mas son amagats per la vegetacion subretot los pins. D’un còp èra, los travèrses per lo pasturatge de las cabras e motons èran secs ». « Aquò’s vertat ! » ditz sulcòp Lo Chiche que crenh que l’escambi s’embastardisca ! « Diga, es pas perque sès conselhièr municipal que nos vas dire coma èra abans ! » s’empòrta Lo Mut. Se lèva en s’apiejant sus la cana, vira lèu fach e torna a l’ostal !
*adotz-dotz = sorga, font, aicí resurgéncia temporària.

Changement climatique
En ces après-midi très chauds, les habitants qui se sont barricadés derrière leurs volets clos pour une longue sieste, se languissent de sortir dans la rue, le soir, pour prendre le frais. A Soubès, le chemin des Garennes à l’écart des maisons dont les pierres de tuf renvoient la chaleur accumulée dans la journée, a les faveurs du public : les bancs sont tous occupés chacun profitant de la vue panoramique sur la vallée du Suberbet et le rempart du Larzac. Lou Mut, Lulu et Le Chiche débattent du réchauffement climatique lorsqu’ils sont rejoints par le jeune Yohan. « Il paraît que le ruisseau de Coutelles ne coule plus. C’est pas nouveau, de mon temps aussi il était sec en été » avance Lou Mut. Yohan n’hésite pas à contredire son interlocuteur en rappelant ce que lui disait son grand-père. « A l’époque, il y avait des prés sur les rives pour le nourrissage des chevaux. Ils étaient irrigués par des béals et c’était autant d’eau en moins dans le ruisseau ». « C’est vrai, j’avais oublié ! » glisse Le Chiche qui se remémore le pittoresque des chevaux de trait dans le bourg. Lou Mut, un peu vexé, avance alors une autre affirmation qu’il espère, ce coup-ci, incontestable. « C’est comme les épisodes cévenols qu’ils disent plus forts qu’avant. Moi, je me rappelle qu’à l’automne, on voyait sortir les adouzes* sur les pentes du Larzac. A présent, c’est fini ça ne coule plus ! » Au risque d’énerver l’ancien, Yohan a aussi une explication. « Elles coulent toujours tes adouzes mais elles sont cachées par la végétation notamment les pins. De ton temps, les coteaux qui servaient de pacage aux chèvres et moutons étaient secs ». « C’est pas faux » avance aussitôt Le Chiche qui craint que l’échange ne dégénère. « Dis, ce n’est pas parce que t’es conseiller municipal que tu vas nous dire comment c’était avant ! » s’emporte Lou Mut. Il se lève en s’appuyant sur sa canne, tourne les talons et rentre chez lui !
* résurgences temporaires.

Lo Mescladís e Zibola, lo libre dau Bòbi en venda dins totas las bonas librariás !
Una pòrta d’intrada dins la lenga e la cultura occitana, una pòrta bèla qu’aquelas cronicas, a l’origina radiofonicas per ràdio Lengadòc e ràdio Lodeva, destriadas en quatre categorias: « Contes e legendas »; « Cultura occitana »; « Fèstas e jòcs »; e « O sabiatz? » Lo legeire, novelaire o assabentat de la causa occitana, i farà son pro e i trobarà sens cap de dobte son bonaür. Completadas per l’Istòria polida de Zibola premiada per lo CAÒC en 2023.
0 commentaires