L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 7 de mai de 2025
PASSEJADA EN PAĺS DE TAUR
Jos un bèl solelh, pasmens capriciós aquesta passa, vejatz-nos aquí embarcats per una visita de nòstre vilatge Mèsa, amb una còla d’escolans avaironeses de classas de 6ena e 5ena. Perqué amb nosautres ? Per de que dins lor cursús escolar i a corses d’occitan.
Per completar lor sojorn a l’entorn de l’estanh de Taur, lors responsables nos sollicitèron per lor far descobrir, en occitan sioplèt, l’istòria de nòstre vilatge. A saupre sas particularitats, son patrimòni dempuèi sas originas, son desvolopament economic e sos jòcs especifics, coma las ajustas.
Pendent una ora e mièja, nòstres passes nos menèron del jardin de Montet, fins a la plaça de la tonalariá, passant per la muralha, la capèla dels Penitents e la carrièra grata-coides.
Puòi dins un silenci religiós, una pauseta dins la glèisa Sant Alari foguèt plan venguda, abans de se rendre a la comuna qu’es totjorn en òbras.
A dos passes, foguèrem al mercat e a l’esplanada Ives Pietrasanta (ancian cònsol), e davant l’estatua de bronze, que nos rapèla a son sovenir d’ecologic convencut abans ora.
Enfin un arrèst agradiu al castèl de Girard, lo temps d’una fòto.
L’ora s’avança e nos cal contunhar : davalam vèrs lo pòrt, per acabar nòstra visita dins lo temps previst, a quicòm pròche, per la plaça de la tonalariá e lo « Baphin ».
Naturalament, cada site foguèt comentat en occitan per de membres de nòstre cercle, qu’an plan volgut se plegar al jòc. Mercé a eles.
Aquela iniciativa, una primièra per nosautres foguèt possible mercé a la documentacion desliurada per l’Ofici del Torisme, e cal convenir qu’emai nosautres aprenguèrem un fum de causas.
Los enfants, al nombre de 39, an semblat aver comprés nòstre raconte, e la traduccion s’averèt inutila. Òsca a eles.
Nosautres gardarem un sovenir bèl d’aquela matinada. Los enfants, encara joinets, nos espantèron per lor bona tenguda. Es amb respècte qu’an escotat las explicacions. E pas un sol telefonet se metèt a sonar !!!
Avèm pas mancat de lor prodigar nòstras felicitacions per l’intermediari de las doas responsablas que los acompanhavan…dont una, a la votz d’estentor aviá pas besonh de micro per se fa entendre !
Es un vertadièr plaser de s’investir per de joines – tant joines pasmens – que sabon se comportar d’aquesta faiçon.
Esperam qu’auràn passat un momenton plasent, abans de se dirigir fins a Seta per una iniciacion a las ajustas. Segur qu’aquò serà una bona destenda.
E esperam atanben qu’aquela incursion a l’entorn de l’estanh de Taur lor daissarà un bon sovenir a far partejar als parents e amics.
BALLADE EN PAYS DE THAU
Sous un beau soleil, pourtant capricieux dans cette période, nous voici embringués pour une visite de notre village Mèze, avec une troupe d’écoliers aveyronnais des classes de 6ème et 5ème. Pourquoi nous ? Parce-que dans leur cursus scolaire il y a des cours d’occitan.
Pour compléter leur séjour autour de l’étang de Thau, leurs responsables nous ont sollicités pour leur faire découvrir, en occitan s’il vous plaît, l’histoire de notre village. A savoir, ses particularités, son patrimoine depuis ses origines, son développement économique et ses jeux spécifiques, comme les joutes.
Pendant une heure et demie, nos pas nous ont menés du jardin de Montet jusqu’à la place de la tonnellerie, en passant par les remparts, la chapelle des Pénitents et la rue gratte-coudes.
Puis, dans un silence religieux, une petite pause dans l’église Saint-Hilaire fut la bienvenue, avant de se rendre à la mairie, toujours en travaux.
A deux pas nous voilà au marché et à l’esplanade Yves Piétrasanta (ancien maire), et devant la statue de bronze qui nous rappelle à son souvenir d’écologiste convaincu avant l’heure.
Enfin, un arrêt agréable au château de Girard, le temps d’une photo.
L’heure s’avance et il nous faut continuer : nous descendons vers le port, pour achever notre visite dans le temps prévu ou presque, par la place de la tonnellerie et le Baphin.
Naturellement chaque site a été commenté en occitan par des membres de notre cercle, qui ont bien voulu se plier au jeu. Merci à eux.
Cette initiative, une première pour nous, a été possible grâce à la documentation délivrée par l’office du tourisme, et il faut convenir que nous avons nous-mêmes appris pas mal de choses.
Les enfants, au nombre de 39, ont semblé avoir compris notre récit, et la traduction s’est avérée inutile. Bravo à eux.
Nous-mêmes garderons un beau souvenir de cette matinée. Les enfants, encore jeunes, nous ont agréablement surpris par leur bonne tenue. C’est avec respect qu’ils ont écouté les explications. Et pas un seul téléphone portable ne s’est mis à sonner !!!
Nous n’avons pas manqué de leur prodiguer nos félicitations par l’intermédiaire des deux responsables qui les accompagnaient…dont une à la voix de stentor n’avait pas besoin de micro pour se faire entendre !
C’est un vrai plaisir de s’investir pour des jeunes – si jeunes pourtant – qui savent se comporter de telle manière.
Nous espérons qu’ils auront passé un petit moment plaisant, avant de se diriger vers Sète pour une initiation aux joutes. Pour sûr que ce sera une bonne détente.
Et nous espérons aussi que cette incursion autour de l’étang de Thau leur laissera un bon souvenir à faire partager à leurs parents et amis.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
Un plan bon sovenir ! Vos disi encara un grand mercés !
NB : los enfants èran en 4ena e en 3ena 😉