L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 15 d’abril de 2024
ANGUILA JOS RÒCA
Dins una pichòta vila del centre de la França, que se sona Grantrou, i a coma de pertot una comunautat de notabilitats.
Lo notari, Gaston Pondut, dins los cinquanta ans, de talha mejana, la pansa plan noirida e lo pel de mai en mai rare, mena una vida simpleta, al mitan dels secrèts de sos clients.
Sa sola familha es sa sòrre, la Marineta, qu’òm ditz atanben « La Faïna ». Es veusa, maire e grand.
Gaston a un grand còr e gasta sos nebots e pichòts nebots, qu’a l’astre de veire cada dimenge, sa sòrre mancant pas de lo convidar a sa taula.
S’es acostumat a sa vida de celibatari, qu’es pescaire, grand lector, passejaire solitari, e a l’ocasion parteja un veire amb qualques bons amics. Bon dançaire, li arriba de s’anar desrovilhar las cavilhas dins qualque balèti, sens per autant aver pas trapat cabucèla a son topin.
E vaquí qu’aquò va benlèu cambiar. Aquel balèti del 14 de julhet va venir rompre sa vida tranquileta, amai un pauc tròp.
Lo regard de Gaston, que per son mestièr coneis tot lo mond, es atirat per una bèla femna bruna, desconeguda, que sembla s’anujar dins son canton.
Sens talament soscar, se sachent bon dançaire e entendent las primièras nòtas d’un « slow », s’avança e la convida a lo dançar, çò que la dona accèpta. Per el, es l’escasença de descobrir los grands uòlhs clars de la bèla que lo pivèlan ja. Los passes dels dos dançaires s’acòrdan d’un biais remirable, e lo Gaston tomba lèu jos l’embelinament de Carlòta. Es davant un veire que li ven de desvelar son nom. E serà a quicòm pròche tot çò qui li contarà sus ela.
Mas Gaston es transportat coma un joine òme e compren qu’es a s’amorosir d’aquela bèla. Desconeguda. Talament qu’an ja escambiat lor 06, e que Gaston tarda pas a presentar Carlòta Joiosa a sa sòrre e a sos nebots.
A la cinquantena (ela n’a quaranta cinc), òm perd pas pus son temps. Se un jorn me preni una esposa, se ditz lo Gaston, serà la Carlòta, o serà pas.
L’afar foguèt lèu reglat. Magnifica baga d’acordalhas, reservacion per lo banquet de la nòça dins la melhora albèrga del canton.
Per lo Gaston, un fum de convidats mercé a sa notorietat…de notari. De son costat a ela, degun !!! Èra son desir e lo Gaston lo respècta sens tròp se pausar de questions.
Aquò manca pas d’intrigar la Marineta, mas son fraire es talament aürós ! Pasmens, a pas dich son darrièr mot. Es pas per azard qu’òm la sona « La Faïna ».
Per descobrir la seguida, caldrà esperar la setmana venenta.
ANGUILLE SOUS ROCHE
Dans une petite ville du centre de la France, qui se nomme Grantrou, il y a comme partout une communauté de notables.
Le notaire, Gaston Pondut, dans les cinquante ans, de taille moyenne, la panse bien nourrie et les cheveux de plus en plus rares, mène une vie simplette, au milieu des secrets de ses clients.
Sa seule famille est sa sœur, la Marinette, qu’on dit aussi « La Fouine ». Elle est veuve, mère et grand-mère.
Gaston a un grand cœur et gâte ses neveux e petits-neveux qu’il a la chance de voir chaque dimanche, sa sœur ne manquant pas de l’inviter à sa table.
Il s’est habitué à sa vie de célibataire, il est pêcheur, grand lecteur, promeneur solitaire et à l’occasion il partage un verre avec quelques bons amis. Bon danseur, il lui arrive d’aller se dérouiller les chevilles dans quelque bal, sans pour autant avoir trouvé chaussure à son pied.
Et voici que cela va peut-être bientôt changer. Ce bal du 14 juillet va venir rompre sa vie tranquillette, même un peu trop.
Le regard de Gaston, qui de par son métier connaît tout le monde, est attiré par une belle femme brune, inconnue, qui semble s’ennuyer dans son coin.
Sans vraiment réfléchir, se sachant bon danseur et entendant les premières notes d’un slow, il s’avance et l’invite à le danser, ce que la femme accepte. Pour lui, c’est l’occasion de découvrir les grands yeux clairs de la belle qui le subjuguent déjà. Les pas des danseurs s’accordent à merveille, et Gaston tombe vite sous le charme de Charlotte. C’est devant un verre qu’elle vient de lui dévoiler son nom. C’est à peu près tout ce qu’elle lui racontera sur elle.
Mais Gaston est transporté comme un jeune homme et comprend qu’il est en train de tomber amoureux de cette belle inconnue. Au point qu’ils ont déjà échangé leur 06, et que Gaston ne tarde pas à présenter Charlotte Joyeuse à sa sœur et à ses neveux.
A la cinquantaine (elle en a quarante cinq), on ne perd pas son temps. Si un jour je prends une épouse, se dit Gaston, ce sera Charlotte ou ce ne sera pas.
L’affaire fut vite réglée. Magnifique bague de fiançailles, réservation pour le banquet de la noce dans la meilleure auberge du coin.
Pour Gaston, un grand nombre d’invités en raison de sa notoriété de …notaire. De son côté à elle, personne !!! C’était son désir et Gaston le respecte sans trop se poser de questions.
Cela ne manque pas d’intriguer Marinette, mais son frère est tellement heureux ! Cependant, elle n’a pas dit son dernier mot. Ce n’est pas par hasard qu’on l’appelle « La Fouine ».
Pour découvrir la suite, il faudra attendre la semaine prochaine.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires