L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 19 de març de 2024.
COMETA DEL DIABLE
12 P/Pons – Brooks
Se pòt veire – o non subretot per los profans en astronomia – que la cometa del Diable barrutla dins nòstre cèl.
Amb un bèl parelh de gemèls, o encara mai amb un telescòpi, se pòt observar, de preferéncia a l’abric de la pollucion luminosa de las vilas, fins al bot del mes d’abril.
Per aquò se cal virar direccion sud-oèst.
Se la volèm veire es ara, que per sa visita veneta « a l’entorn », en 2095, sens vos voler laguiar, serem qualqu’uns a mancar a l’apèl…
Es estada batejada cometa del Diable rapòrt a sa mina de diablotin e a sa cabeladura blava e verda que se parteja en dos : vaquí las banas del diable.
Aqueles montet de glaça, gases gelats, ròcas e polsas, pòdon èstre mai o mens grands. Aquel es de bèla talha. Òm nos ditz que fa 3 còps lo Mont Everèst (8 848 mètres).
Val melhor que se tenguèsse dins son territòri… mas ges de laguis, qu’a son punt lo mai pròche de la Tèrra, serà encara en delà de 230 milions de quilomètres. Òm nos ditz atanben que se dirigís cap al solelh, donc que nos vira l’esquina…
Podèm èstre fièrs que siaga un francés, Joan-Loís Pons qu’a oficialament descobèrt aquela cometa en 1812. E en 1883, foguèt tornar mai descobèrta per William Robèrt–Brooks (d’aquí son nom compausat).
Al passatge, un còp de capèl als scientifics que, segurament totes giboses de matematicas, son capables dempuèi lor fautuèlh, de detectar de còsses celèstials dins l’immensitat de l’Univèrs. Es fantastic ! E se fan pas passar als escolans l’amor de las matematicas, alara es causa perduda.
Per acabar (per uèi) seriá damatge de mancar lo passatge del tan polit Diablotin a las colors « fluos »).
E se malgrat tot, sèm qualques Terrians a encapelar pas de la fintar, per lo mens, nos serem escapats un momenton de nòstre quotidian que, nos anam pas mentir, es un pauc aital-aital d’aquesta passa.
D’aquí l’utilitat de somiar, encara e totjorn.
COMÈTE DU DIABLE
12P/Pons – Brooks
On peut la voir – ou non pour les profanes en astronomie – car la comète du Diable se promène dans notre ciel.
Avec une bonne paire de jumelles, ou encore mieux un télescope, on peut l’observer de préférence à l’abri de la pollution lumineuse des villes. Pour cela il faut se tourner direction sud-ouest.
Si nous voulons l’apercevoir c’est maintenant, car lors de sa prochaine visite dans « les environs » en 2095, sans vouloir vous faire de peine, nous serons quelques uns à manquer à l’appel…
Elle est baptisée comète du Diable en raison de son allure de diablotin et de sa chevelure bleue et verte qui se partage en deux : voici les cornes du diable.
Ces amas de glace, de gaz gelés, roches et poussières, peuvent être plus ou moins grands. Celui-ci est de belle taille.
On nous dit qu’il fait 3 fois le Mont Everest (8 848 mètres).
Il vaut mieux qu’il se cantonne à son territoire…mais pas de souci, car à son point le plus rapproché de la Terre, il sera encore au-delà de 230 millions de km. On nous dit aussi qu‘il se dirige vers le soleil, donc qu’il nous tourne le dos…
Nous pouvons être fiers car c’est un français, Jean – Louis Pons qui a officiellement découvert cette comète en1812. Et en 1883, elle fut à nouveau découverte par William Robert Brooks (d’où son nom composé).
Au passage, un coup de chapeau aux scientifiques qui, sûrement tous bossus des mathématiques, sont capables depuis leur fauteuil, de détecter des corps célestes dans l’immensité de l’Univers. C’est fantastique ! E si eux ne transmettent pas aux écoliers l’amour des maths, alors la cause est perdue.
Pour terminer (pour aujourd’hui) il serait regrettable de rater le passage du si joli diablotin aux couleurs fluo.
Et si malgré tout nous sommes quelques Terriens à ne pas réussir à l’apercevoir, pour le moins, nous nous serons échappés un petit moment de notre quotidien, qui, nous n’allons pas nous mentir, est un peu couci-couça en cette période.
D’où l’utilité de rêver, encore et toujours.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires