L’an que ven d’onte ven

Dempuèi Sola Deitas ( 1962 , Grand prèmi de las letras occitanas  ), Joan Larzac persièc son dialòg amb un Dieu que se cala.

E dempuèi L’Estrangièr del dedins (1968, Prèmi Antigona), recèrca dusca en fòra de las frontièras  la responsa finala d’una Istòria que condemna encara son pòble al muditge.

Donèt vam al sector literari de l’Institut d’Estudis Occitan e fondèt 4 Vertats. Mas paradoxalament, pendent trenta ans, a fauta d’editor, fins a la  publicacion per Letras d’òc en 2019 de Se rauqueja ma votz, acomolèt los inediches. Rejonhent los ressons de la pus recenta actualitat dramatica, fan la matèria d’aquel novèl recuèlh :  Larzac n’apèla  del present tant als companhs semenats sus sa rota coma a l’avenidor qu’aparten pas qu’a Dieu.

Joan Larzac (nascut Joan Roqueta, en francés Jean Rouquette; Seta, 13 de febrièr de 1938,) es prèire, escrivan e critic literari occitan. Fraire d’Ives Roqueta, bèl fraire de Maria Roanet, o es tanben dins un comun engatjament politic e poëtic. Qualques unas de sas òbras son estadas reviradas en breton, en italian e en arab.

Del meteis autor :

• Sola Deitas, I.E.O., 1962
• La littérature d’oc, Paris, P.U.F., 1963
• Breiz Atao, en collaboracion amb Ives Roqueta , Enric Espieut e Youenn Gwernig , I.E.O, 1969
• La musica occitana, I.E.O., 1970
• Petit livre de l’Occitanie, amb J. Blanc, J. Ropars, Ives e Miquèl Roqueta, 4 vertats, 1971, Maspero, 72
• Anthologie de la poésie religieuse occitane (bilingue), Toulouse,  Privat, 1972
• Per una lectura politica de la Bíblia, I.E.O. , 1973
• Descolonisar l’istòria occitana, 2 volums, I. E. O., 1977, 1980
• Francés d’Assisi de Josèp Deltelh, tradusit amb J. Plancada, I.E.O., 1978
• La littérature d’oc, Que sais-je ? Paris: P.U.F., Paris, 1968
• Òbra poëtica, ( bilingüe), I.E.O., 1986
• L’Art occitan, C.I.D.O. (bilingüe),  Besièrs 1989 (Exposicion e Catalòg, amb P. Divaret )
• Lo Ritual occitan del Maridatge, coed. C.I.D.O. -I.E.O.- C.T.I., 1989
• Istòria de l’art occitan, C.I.D.O. , Besièrs1989
• Dotze taulas per Nòstra Dòna, 1990
• La bíblia del dimenge e de las fèstas, CIDO, 1997
• Ai tres òmes a tauls ( bilingüe), Letras d’oc, 2007
• La Bíblia – Ancian Testament, Letras d’òc, 2013 ; Novèl Testament, 2016
• Se rauqueja ma votz, Letras d’òc, 2019