Còps d’uèlh…

L’occitan, coma totas las lengas de la tèrra, a un biais de descopar lo real. Es tanben un mejan de m’agachar, de s’agachar e de me, de se pensar dins aquel mond. Ai a còr de balhar un image actual dels occitans. Per aquò far, m’apuègi pas suls agaches trufandièrs plan sovent pegats sus las esquinas del monde del ” Miègjorn “. Galejaires de l’accent ensolelhat, beveires de pastís, femnassièrs e fugs-l’òbra. Non ! Es un autre image que cèrqui de balhar.
Fau parlar sus I’empont de femnas e d’òmes, d’occitans, que pòdon a I’encòp se trufar de lor biais de viure, mas tanben d’analisar, a bèls uèlhs vesents, lo sègle XXI ont vivèm amb totes sos borroladisses. M’apuègi sul poder de l’umor mas tanben sus l’espaci, l’alen que balha per aquò far. Me trufi de totes los poders d’ont que vengan, de totes los biaisses calucs de nòstras societats d’aicí e d’alai.

Ensagi d’analisar totes aqueles eveniments amb un agach de saviesa, de sens bon abans de los passar a Ia molineta umoristica satirica occitana per ne far risolejar mon public. Risolejar mas tanben partejar de bonur amb el. Òc, partejar ensems de bonur mercé a I’occitan per dire lo
monde d’uèi amb una lenga d’uèi ! Aqui la clau !

Andrieu Clement es nascut en 1953 en Losera ont foguèt conselhièr pedagogic d’occitan. Dempuèi qu’es a la retirada, perseguís son trabalh d’espandiment de la lenga occitana. Clement escriu los esquèches e Clamenç los pòrta sus l’empont.

Clamenç (André Clément) est un humoriste de langue occitane, ancien conseiller pédagogique à l’occitan de Lozère. Une fois à la retraite, il fut en mesure de bâtir (écriture et mise en scène) des spectacles d’humour, à un rythme régulier d’un par an : Agachs en 2010, Fintadas en 2011, Relucadas en 2012, Vist! en 2013, Còps d’Uèlh en 2014…