Qual se soven de Naipaspro?

16,00

Tolosa, Banhèras de Luishon.

Cada an Fernand Ferràn, ancian rugbiman va a Luishon far cura.

A Tolosa, un monastièr abriga de monges pas afèt coma los autres.

I a de rambalh e de cadavres.

Lo comissari de polícia Talhasèrp va tanben als tèrmes de Luishon far cura amb la seuna familha, per sonhar los efèctes marrits de l'explosion de l'usina quimica de Mas-Jacmet. (véser Autan Negra)

Cossí se van resòlver totas las embolhas que naisson als tèrmes de Banhèras de Luishon?

 

Dins aquel roman complet de Cristian Chaumont s’i tròba totes los ingredients necessaris a un bon policièr : lo suspens, plan solide e sens lo qual pòt pas i aver de literatura policièra que se tenga ; mas aqueste suspens dèu èsser acompanhat d’umor e -quand ne vira- d’erotisme. E justament lo meriti grand del libre de Cristian Chaumont es de nos porgir una sensibilitat que presentament qualificarai « d’estivala » per n’aver pas a dire mai que vòli pas demesir lo plaser de descobèrta dels futurs legeires. Cal pas comptar sus ieu per completament desvestir l’òbra. La casuda d’aqueste « Qual se soven de Naipaspro ? » ven clavar una istòria que dona lo baticòr de cap en cima. Seriá domatge qu’i passèssetz a costat. (Pèire Rabasse in Lo Lugarn, 15/03/2019)

Cristian Chaumont, nascut en 1937 a Masamet demòra dempuèi mai de vint ans a Narbona. Los aujòls pairals, masametòls, totes davalats de la Montanha Negra, los mairals èran del Lauragués. Totes parlants gaireben pas que l’occitan.
Faguèt sos estudis collègi de Masamet, a la facultat de drech de Tolosa e a l’Escòla Nacionala del Tresaur Public.
Perceptor en Carcin, puèi a Castras e per acabar Tresaurièr de la Comuna de Narbona (amb son Espital, son OPHLM e son CCAS).
Prenguèt sa retirada a Narbona.

Del meteis autor:

  • L’aus de colèra (IEO Erau 2021)
  • Abelhas e forselons (IEO Lengadòc, 2018)
  • Qual se soven de Naipaspro (IEO Lengadòc, 2017)
  • Autan Negra (IEO Lengadòc, 2016)
  • Recapte Ultim ( IEO Lengadòc, 2015)
  • Roges Nivolasses ( IEO-IDECO, 2010)

En stock

UGS : qual-se-soven Catégorie : Étiquettes : , , , , ,

Informations complémentaires

Dimensions 15 × 21 cm
Pages

198

Autor

Lenga

Dialècte

Edicion

Parucion