Un libre de Florian Vernet es totjorn un eveniment bèl per la literatura nòstra.
Encara mai quand sèm nautres que l’editam! E… RAU !!
E aquel d’aquí es dau Florian cap e tot. Vos congostaretz un còp de mai a travèrs aquel pichon vintenat de novèlas de l’escriptura dau maestro que nos enrebala dins sos univèrses amb lo gaubi que li sabèm. Mas s’i cau pas enganar, i a mai qu’aquò dins aqueste darrièr Vernet…
Sèm estats aculhits qu’es pas de dire per los Crancs, aqueste bèl dissabte d’abril. Bèl? Cau pas quichar, èra mai o mens un Cavalièr e te fasiá un freg de lop! Mas lo lop, amb la sauça au chorizo èra pas maissant…
Convocacion-Convidacion
Los aderents (e amics) de la seccion d’Erau de l’Institut d’Estudis Occitans ( IEO 34 ) son convocats e convidats a l’amassada generala de l’associacion per 2024 que se tendrà aqueste an :
lo dissabte 27 d’abril de 2024
a MASSILHAN (34) a la Sala Paul ARNAUD
23 avenguda Victòr Hugo
Convocacion-Convidacion
Los aderents (e amics) de la seccion d’Erau de l’Institut d’Estudis Occitans ( IEO 34 ) son convocats e convidats a l’amassada generala de l’associacion per 2024 que se tendrà aqueste an :
lo dissabte 27 d’abril de 2024
a MASSILHAN (34) a la Sala Paul ARNAUD
23 avenguda Victòr Hugo
Aquò vos canta unas passejadas en riba d’estanh per aquela debuta de prima? En tot cas vos i convidam amb Estanhencas, lo libre bèl de l’Albèrt d’Erau, agotat dempuòi de luscres e que venèm de faire reïmprimir amb d’unas correccions ortograficas de l’autor, un planponh de cauquilhas pas mai.
30-01-24 – 18 oras Montpelhièr rescontre del libre occitan : « D’aucèls e de gorillas », actualitats d’E… rau ! edicions.
Quand lo vegère au mes de setembre per li portar Au dintre de la clòsca, penecava mas semblava pas a las espèrras, luònh se’n manca. L’uòlh beluguejant, un camiset macarelizat, aviá solament installat son rambalh d’escritura dins son salon que me diguèt que podiá pas pus montar dins sa cajaròca d’escrivan, au trastet de l’ostau. Pas mai.
E puòi aprenèm que nos a quitat, lo Cristian, aqueste 24 de decembre. Nos faguèt l’onor de nos fisar a l’IEO Lengadòc e IEO Erau, l’edicion de 6 de sos 7 romans. Mercé per ton amistat e capelada Mèstre Cristian.
Traparetz aquí l’omenatge que li fa lo Sèrgi Viaule e una vidèo que vene de tornar trapar dins lo telefonet.
Òm sap que del temps del rei Francés Ier, lo ben nommat, un edicte lai foguèt signat per impausar lo francés contra lo latin dins las papafards oficials.
Una sala subrebèla mesa a nòstra disposicion; una assisténcia nombrosa; d’escambis positius e constructius; la visita dau deputat Sebastian Rome (LFI) e dau primièr adjonch a la comuna de Lodeva Ludovic Cros (PC); un dinnar dels melhors e un après miègjorn plan capitat menat per un parelh de guidas locaus remirable.
A la manòbra lo cercle de Lodeva per una organizacion perfiècha.
Rebat en fòtos.
Es la bona suspresa de la rintrada ! La societat d’electricitat Amperiance installada uòi a Laveruna nos ven d’ofrir, mercé son gerent Julian Cavadore e l’entremesa de Regina Cipra, la presidenta de tria de Juvinhac Occitan, una imprimenta-fotocopiadoira de tipe professional.
Ara sèm brancats, la propaganda va rajar a tota bomba, a la velocitat de la lutz!