|
|
Las darrièiras informacions de l'IEO Erau
|
|
|
|
|
|
D'AG en AG, antau la temporada que s'anóncia que coma cada annada nos fasèm regantar per las obligacions administrativas au dintre dels 3 nivèls de nòstres IEOs.
|
|
I vau, una fes encara, de ma sansonha explicativa: per las borronas que sèm fa pas de mal... atanben per los novelaires que n'i a un fum ongan.
|
|
Quand avètz presa l'adesion, sètz sòcia o sòci de l'IEO sus tres plans: lo federal o nacional, lo regional (Occitania.Miègjorn Pirenèus per nautres) e departamental. E... RAU!! Vòstre escotisson es sompartit entre nautres, a la gròssa: mitat au federal, 1,5€ au regional e lo demai au departamental.
|
|
Cadun d'aqueles estancis de nòstra federacion van cotria e an un ròtle plan definit per obrar a l'aparament e la promocion de nòstras lenga e cultura, èsser los entreparlaires de l'Estat, de las collectivitats territorialas e tutti quanti.
|
|
Sètz doncas convidats a participar a la vida associativa d'aqueles tres nivèls, anar a las AGs, vos faire portar a sos conselhs d'administracion, préner part als vòtes o a la vida vidanta dau malhum.
|
|
Sèm dins Erau, a l'ora qu'escrive, 160! Vos ai pro conflat en debuta d'an amb aquò mas vos mercege d'aver respondut de òc a mas cridas successivas. Una progression bèla (èrem 80 en 2020 e 152 l'an passat) que ne sèm ufanoses. En mai, ne sabe un fum d'ancians que se son pas encara tornar marcats e qu'espèran l'AG. (Mèfi, ai los noms !)
|
|
Me permete d'insistir, mai que mai alprèp dels 36 novèls que nos an rejonch en 2026 per que vengan a Mèsa lo 12 d'abril. Farem conoissença, vos direm tot, partajarem pan e vin. E cantarem!
|
Atencion, se cau marcar d'ora (imperativament abans lo 1er d'abril) per lo repais que lo restauraire es pas de bon atelar! (Mas fa de bon manjar...)
|
|
Dau costat dels eveniments a venir que m'arriban, lo Fogau rurau de Sant Martin de Londres vos convida a sa setmana occitana, lo Bòbi a l'estrena de son espectacle novèl.
|
|
Enfin tibaretz l'aurelha dau costat de Gardonenca (degun es perfièch!) e m'escotaretz lo primièr CD d'Ugò Blanc, sòci de l'IEO30, que canta d'una votz remirabla Bigòt. Farà compés amb lo ròck medieval d'Originem de la setmana passada. Ne cau per totes!
|
|
Lenga viva, cultura viva. Aicí sèm.
|
E, ...rau!!
|
Las escorchas
|
|
De legir (escotar per d'unes):
|
|
Dimenge 29 de març, 17h, Montpelhièr - Concèrt - Lo Cocut
|
|
Dau dimars 31 au dimenge 5 d'abril, Sant Martin de Londres - Rencontres occitans - Fogau rurau de Sant Martin
|
|
Dimars 14 d'abril, 20h30, Fosilhon - Cosmogonia, concèrt amb lo duo Verger-Cavalié
|
|
Dau divendres 8 au dimenge 10 de mai, Jusèa - AG IEO Federal - IEO Federal
|
Dimenge 5 de julhet, 18h30, Sant Cristòu - Nadau en concèrt - Los amics de la Baragònha
|
E, ...rau !!
|
|
|
Qué de nòu?
|
|
|
|
|
|
L'Associacion AQUÍ L'ÒC organiza un concors d'escritura en Occitan per Òlt, Corresa e
Occitània tota. Aqueste concors, a gratis e dubèrt a totes, se debanarà de novembre a febrièr.
|
|
|
|
|
|
|
|
|
|
|
L'ora pica: fagam lo puòg viu!
|
|
|
|
|
|
|
|
|
|
|
Divendres passat èra lo darrièr adieusiatz au paure nòstre Jaumet...
|
|
|
|
|
|
|
|
|
|
Martror: Qu'es aquò ?
Sant Cristòl en plen mitan las vinhas, lo dissabte 24 d'octòbre
Contes, scenetas, deambulacion. Sopa e castanhas au domeni Canta-Vinhas
|
|
|
|
|
|
|
|
|
|
Collègi Clardeluna, Occitana Prod.
|
La solenca de fin de vendémias, lo dissabte 17 d'octòbre au domeni viticòla La Gorgassa a Besièrs a partir de 7 oras.
Collègi Clardeluna de Maraussan
|
|
|
|
|
|
|
|
|
|
|
Jaumet Milhau, Jaumet Demèsa, lo nòstre Jaumet se n'es anat...
|
|
|
|
|
|
|
|
|
|
La cronicas
|
L'uòlh del Buòu - Curiosèr - La Guinhada - Lo Mescladís - L'edito de Jornalet - Lo Papieròt del dijòus.
|
|
|
|
|
|
|
|
Se’n va temps de s’ocupar del jardin.
Lo nom aqueste es germanic a l’origina : gart, gardo (veire l’anglés garden, e l’alemand garten), passèt al francés -la lenga mai germanica de la romanitat- e a totas las lengas latinas (jardí, jardín, jardim, giardino).
|
|
|
|
|
|
|
|
|
|
Mescladís de Bobí lo contejaire
|
Resumit : Après las eolianas, l'estanh de Taur e Seta, direccion lo Canal del Miègjorn.
« Pèira, avèm un trajècte de 240 km fins a Tolosa !
|
|
|
|
|
|
|
|
|
|
|
Noirits de cultura populara occitana e de tradicion orala, lo personatge de Joan de l’Ors nos es familhièr. La question de se pausar es sul transpòrt possible del raconte als Estats-Units mercé als orsalhièrs partits d’Arièja amb lors companhons.
|
|
|
|
|
|
|
|
|
|
|
Pendent que viran e fan de torns a bòrd de l’estacion espaciala (E.S.A), los cercaires ne profièchan per far d’experiéncias dins de domenis divèrses.
|
|
|
|
|
|
|
|
|
|
|
Avèm pas los mejans per raportar coma cal las protèstas dels liceans que se tenon per tot l’estat francés aquestes jorns. Es daumatge, pr’amor que cada jorn nos arriban a la redaccion de Jornalet de fòtos de Tolosa, de rapòrts de Menton e de testimoniatges de tota Occitània...
|
|
|
|
|
|
|
|
|
Per sorrire...
|
|
|
|
|
|
|
|
Per sorrire o per plorar?
|
|
|
|
|
|
|
|
Nos volètz trapar ?
|
|
|
|
|
|
|
|
|
Lo locau e la botiga son actualament barrats !
|
Adreiça
Oraris
Telefòne
|
|
|
|
|
|
