Se sarra l'ora, la bona, de se retrobar. La còla dau Buòu tota es a faire los emperaus dins sos negafòls per nos recebre polidament dins l'espèra d'una pèsca de las bonas que, a l'IEO34, i a mai de manjaires de peisses que de carnifalhas. Rai. E coma disiá l'autre e... rai!!
Dins l'espèra despacienta que n'avètz, trobaretz aquí de qué vos ajudar a tugar lo temps, noirir vòstra curiositat. De novèlas de l'IEO federal amb los Ressons dau mes en collaboracion amb Lo Monde, aqueste còp. (Per eles èra pas maissanta, la pèsca!); de grasilhas novèlas de l'Emilia que sèm a la debuta dau mes; las cronicas e un fum de sortidas de las cranas que nos menaràn a Mai que Mai. (Ne cau aprofechar, los ases son de sortida!)
La Fèsta del Solstici d'estiu : la Sant Joanenca se passarà a Pesenàs lo dissabte 20 de junh - 21 oras 30 - Despart : Carrièira Montmorency davant lo portanèl del Castèl Vièlh. Amb Temporadas, los musicaires de Sabòi, Calandreta del Polinet, Lieu-Ressources, Caravena e mai-mai.
Enfin ! Lo roman de Flamenca, cap d’òbra de l’art d’amar occitan del sègle XIII, es d’ara enlà de bon trobar en lenga modèrna mercé Miquèla Stenta.
(a cò de l'Aucèu Libre)
Coma cada annada a Sant Adornin, caminarem lo dissabte 13 de junh sus lo dralhòu das poètas.
15 oras concèrt a la glèisa de la corala occitana de Sant Guilhem (amb lo Buòu de Mèsa)
Passejada musicala amb lo COCUT
Remesa dels prèmis, libres, mòstra fòtos de G. Souche
Aperitiu ofèrt per la cava Font Jòia
Discussion en mémoire de combats de Louis Xavier de Ricard autour des luttes occitanes et du fédéralisme, le
Vendredi 12 juin à 19h Avec la participation de Philippe Martel (historien, Cnrs, professeur honoraire Université de Montpellier),
Joan Lois Blénet (comédien, co-directeur des Calendretas, chroniqueur)
Comme promis, les nouveaux ateliers de découverte de la lenga d'ÒC prennent vie!!!
les samedis matins à compter du 13 juin de 10h à midi
Et ceux destinés aux plus avancés continuent...
tous les mardis matins de 10h à midi
Aquò i es, lo primièr acordeon es creat per Cyrill Demian, ingeniós musicaire autriac. De 1825 enlà, annada de son brevet d’enregistrament, l’akkordion es copiat, modificat, completat, d’arrèu.
Al sègle XII lo monde èran nommats per lors pichons noms o encara « es lo filh de... » La populacion èra creissenta e caliá trobar un biais de plan dire lo nom de cadun.
Fa catòrze ans que Jornalet vos desvelha cada matin en occitan. Catòrze ans sens interrupcion. Catòrze ans d’informacions, d’editorials, d’entrevistas, de cultura e de contenguts divèrses tot en occitan.
Lo saber popular, rapòrt al temps que fa e que farà, es d’una granda espandida e permet d’estimar un fum de situacions. Pòt quitament ajudar a faire prediccions d’una precision que despassa lo saber dels meteorològues patentats que pòdon patir de la patanteina!
Aquò se passa en Martinica en 2021.
Dins l’encastre d’un programa de mini-entrepresas, de joines liceans òbran per respondre a los laguis legitims de la populacion a prepaus de l’aiga potabla.
Mila desencusas per avança a aqueles que van faire la bèba, en recebent aqueste mèl, i a benlèu quicòm que nos a escapat. Basta d'o dire e jamai pus ausiretz parlar de nautres.
