Coma disián los vièlhs pas d'a fons vièlhs: "Au mes de junh, vai au total festum !" E seretz pas embarassats per ne trobar un o dos sus vòstres camins d'Occitania. Aquí una pichòta seleccion -non exaustiva que reprene sonque las infos que me fan passar- d'aqueles que se debanan dins lo ròdol.
Saique nos i crosarem?
E puòi per pacientar fins a aquelas sortidas de tria, de cronicas e de novèlas, los ressons de l'IEO federal coma cada debuta de mes amb las grasilhas d'Emilia per junh. E la reedicion dau Maucòr de l'Unicòrn dau Max Roqueta a cò de Jorn. E per los coratjoses que se voldràn engarrigar e trepar a de bon dins l'òbra dau doctor d'Argelièrs, montarem a l'Estanhòl un còp de mai.
Vos prepausam de nos acompanhar dins una escorreguda dins las piadas dau doctor Max Roqueta, cap au mas de l'Estanhòl, encastre de la novèla Cendres mòrtas.
Lo divendres 12 de junh a partir de 10 oras.
Paregut en 1988, es lo segond grand recuèlh de Max Rouquette après los sòmis de la nuòch, recampa de poèmas escriches après la guèrra. S'i retròba l'inspiracion lunara posada a cò de Lorca, mas tanben l'omnipreséncia del sòmi e de la nuòch.
Projeccion dins l'encastre dau cafè òc de Pompinhan en preséncia dau realizator Guilhem Brouillet.
Dimenge 14 de junh, 17h, sala au planpè de la comuna.
Sèm en Lemosin dins la vila de Briva, Briva la Galharda. Aquela annada de 1906, vei la vòta (la fête patronale) agantar son plen. E es dobla : se festejan Sant Antòni o Sant Martin o los dos !
Los departaments, aquò’s un aquesit de la Revolucion francesa. Se sap de l’idèia d’un que voliá metre un quadrilhatge de departaments carrats sul territòri francés.
Mila desencusas per avança a aqueles que van faire la bèba, en recebent aqueste mèl, i a benlèu quicòm que nos a escapat. Basta d'o dire e jamai pus ausiretz parlar de nautres.
