Aqueste an d'aiga passa jot lo pont -n'i a dins Cocorèl, es per dire!- e un fum d'eveniments se passan dessús e au dintre. Donc, fonhem pas nòstre plaser e anem-z'i, un pauc de pertot onte la lenga nòstra es a l'onor. N'avètz una tieròta non exaustiva aquí, amb la seguida dels Totals Festums a venir e un planponh de causas regaudissentas que rescaufan lo còr.
E per los fregelucs que demoraràn au canton, un pauc de lectura ebdomadària amb las cronicas costumièiras, que, o cau reconóisser, aqueste an los plan nomenats sants de glaça: Gervais, Mamèrt e Pancraça nos sanglaçan!
Los Somiaires vos convidan a l'An'Agar de 2026, lo 6 de junh a partir de 17h.
Mèfi, ongan se farà excepcionalament a Puòg Abon que lo teatre de verdura de Sant Guilhem es en òbra.
Taula redonda Miègterranha e migracion, amb Felip Martel, l'escriveire Aurel (entre autres), jòcs, corala, balèti, repais
e concèrt amb Fraires Sawa & Lass
Una tièra de cartas toponimicas en occitan ven d'èsser editada per l'associacion l'Occitan a Clapièrs que serà tras qu'aürosa de las vos vendre, a pichon prètz, solide!
Mila desencusas per avança a aqueles que van faire la bèba, en recebent aqueste mèl, i a benlèu quicòm que nos a escapat. Basta d'o dire e jamai pus ausiretz parlar de nautres.
