06 65 17 40 85 erau@ieo-erau.com

Lo Blòg

Un blòg per dire, mostrar, convidar lo mond tot a partejar un pauc dels nòstres camins d’Occitània, mercé lo rebaladís menat per lo trentenat d’associacions sòcias de l’IEO, aquí en tèrra d’Erau.

Anamorfòsis

Anamorfòsis

1 mai 2024 | | 0 Commentaires

Un libre de Florian Vernet es totjorn un eveniment bèl per la literatura nòstra.
Encara mai quand sèm nautres que l’editam! E… RAU !!
E aquel d’aquí es dau Florian cap e tot. Vos congostaretz un còp de mai a travèrs aquel pichon vintenat de novèlas de l’escriptura dau maestro que nos enrebala dins sos univèrses amb lo gaubi que li sabèm. Mas s’i cau pas enganar, i a mai qu’aquò dins aqueste darrièr Vernet…

lire plus
Tornarem a Massilhan !

Tornarem a Massilhan !

1 mai 2024 | | 0 Commentaires

Sèm estats aculhits qu’es pas de dire per los Crancs, aqueste bèl dissabte d’abril. Bèl? Cau pas quichar, èra mai o mens un Cavalièr e te fasiá un freg de lop! Mas lo lop, amb la sauça au chorizo èra pas maissant…

lire plus
Plumas d’ièr e d’uèi au Cirdòc, lo 17 de mai

Plumas d’ièr e d’uèi au Cirdòc, lo 17 de mai

1 mai 2024 | | 0 Commentaires

Lo 17 de mai que ven, serem plan uroses d’aculhir a la Mediatèca (Besièrs) la Fabienne Vayrette e lo Florian Vernet, a l’entorn de lors novèls obratges respectius : « E víver » (Ed.Reclams, 2024) e « Anamorfòsis » (E…rau edicions, 2024).
Marie-Jeanne Verny, Silvan Chabaud e Christian Lagarde abordaràn en seguida de concèrt, lo percors literari de Bernard Lesfargues a l’escasença de la parucion d’un numèro inedit de la revista numerica Plumas, dedicada a l’autor en aquela annada de centenari.

lire plus
La primièra setmana occitana de Vilamanda, dau 13 au 17.

La primièra setmana occitana de Vilamanda, dau 13 au 17.

1 mai 2024 | | 0 Commentaires

Lo Mas Troquet vos prepausa la primièira setmana occitana de Vilamanda (Villeveyrac) dau 13 au 17 de mai.
En collaboracion amb lo Buòu de Mèsa.
Galejadas amb Domenge, cors d’occitan amb lo Jaumet, Peña e estrena de placas de carrièiras, conferéncia sus Max Roqueta per Magali Fraisse, danças tradicionalas, Fred e lo balèti.

Lo Mas Troquet vos prepausa tanben la dimenjada dels 11 e 12 de mai los rencontres de la coseson solara e de l’eco-abitat.

lire plus

La Botiga

La botiga d’Erau vos aculhís a Besièrs mas vos prepausam çaquelà un escapolon de publicacions de crompar sus nòstra botiga en linha. Fasètz caufar la carta !

Las Edicions E…rau !!

Despuòi 2020, l’IEO d’Erau esperlonga lo prètzfach bèl d’edicion menat per lo paure nòstre IEO Lengadòc que fusionèt amb l’IEO Miègjorn Pirenèus per far espelir l’IEO Occitania Pirenèus Mediterranèa.

Antau se perseguís una politica editoriala de las bèlas que participa a la difusion de la lenga e de la cultura occitana.

Autoras e autors variats, tematicas pro divèrsas (romans sus fons istoric, contes, ficcions, romans policièrs, poësias, estudis…) los quatre a cinc libres annadièrs porgisson als legeires d’Òc de qué los congostar.

Novetats !

Visitar la Botiga d'E...Rau !